fbpx
WhatsApp
查詢或預約 Inquiry 1

頭痛又關頸痛事,有咩方法可以自救?

好多人一忙壓力大就開始頭痛,成個上半身都好似拉咗筋都放鬆唔到咁。其中有部分頭痛嘅成因原來同上段頸椎有關,當回流至腦部嘅血液供應不足,或者係某一啲表層的神經線受壓都會造成頭痛,以下內容就會講解咩係頸源性頭痛。

目錄

甚麼是頸源性頭痛?

頭痛有好多種類,張力性頭痛、偏頭痛、叢發性頭痛、因腦部問題引起嘅次發性頭痛、頸源性頭痛等。

頸源性頭痛徵狀包括:

  • 單一邊嘅頭痛
  • 頸椎及頸部肌肉僵硬
  • 活動頸部時頭痛會加劇
  • 一般不會出現怕光怕聲嘅現象

頸源性頭痛常見嘅原因

頸源性頭痛很容易受姿勢及工作性質影響,以下情況會更容易出現問題:

  • 長時間使用電腦工作
  • 坐姿不正,出現寒背、烏龜頸的現象
  • 頸部肌肉因緊張而長時間繃緊
  • 缺少運動

頸源性頭痛嘅自救方法

處理頸源性頭痛,可以針對不同的組織作出處理:

頸椎關節:以左手中指及無名指按住同一邊後頸椎,將頭轉往右邊,重覆20下,做3組

頸部小肌肉:溫柔按摩頭髗底下肌肉(風池穴,紅點)2-3分鐘

頸部大肌肉:按摩胸鎖乳突肌(黃點)及斜方肌(藍點),2-3分鐘,然後做拉筋20秒,做3次。

想個人放鬆啲,由坐姿改正做起

正確嘅坐姿有助減低頸椎及肌肉所承受的負荷,大大減低勞損及肌肉繃緊的現象。保持腰背挺直,眼睛水平看,下巴微收,為理想嘅坐姿。

唔想個問題反反覆覆都好唔到,建議搵專業既治療師,做詳細檢查、姿勢分析,從根源著手處理問題。

薈元特點