WhatsApp
查詢或預約 Inquiry 1
查詢或預約 Inquiry 1
椎間盤突出是都市人常見的脊椎疾病，常見於頸椎及腰椎位置，除了引起慢性痛症，嚴重時更會影響走路、工作及睡眠。患者常問：「椎間盤突出應該睇物理治療還是中醫針灸？」本文將為你拆解椎間盤突出的症狀、原因、物理治療與中醫針灸的治療差異，協助你選擇最合適的治療方案。
椎間盤是一塊位於脊椎骨與骨之間的軟墊，能吸收震盪、穩定脊椎。當椎間盤因姿勢不良或退化而突出，壓迫附近神經，就會引發疼痛、麻痺等症狀。依位置不同，分為頸椎間盤突出與腰椎間盤突出。
頸痛或腰痛，並放射至手臂／腿部
肌肉緊繃、刺痛或麻痺感
活動受限，無法彎腰或轉頭
咳嗽、打噴嚏時痛楚加劇
嚴重者步行困難或需扶行
椎間盤突出不論是頸椎間盤突出還是腰椎間盤突出，中醫治療均可以做到消炎止痛的效果。
椎間盤突出物理治療針對神經壓迫、關節活動與肌肉功能作出系統性改善，並進行運動鍛鍊，預防椎間盤突出的復發。
不論是中醫還是物理治療都能有效舒緩椎間盤突出的症狀，中醫和物理治療有以下不同的地方:
因此，椎間盤突出選擇中醫還是物理治療需根據患者的意願、是否虛症以及肌肉狀況。如果你不清楚自己的情況，可先諮詢你的中醫師或是物理治療師。
| 比較項目 | 中醫針灸 | 物理治療 |
|---|---|---|
| 針法原理 | 根據經絡、體質辨證 | 針對肌肉激痛點、神經通道 |
| 適合對象 | 體虛、氣血不足型患者 | 肌肉不平衡、活動力不足者 |
| 治療方式 | 針灸＋中藥＋推拿 | 手法＋運動訓練＋筋膜針灸 |
| 康復後訓練 | 較少運動介入 | 包括康復指導及預防復發計劃 |
✅ 建議：如患者體質虛弱、經常感寒怕冷，可先接受中醫調理；如疼痛與活動受限明顯，宜配合物理治療進行復位與運動重建。實際應由專業診斷後再制定個人化方案。
背景
呢位媽媽每日工作推積如山，準時放工煮飯湊仔後，好不容易呀仔瞓咗，先有機會開電腦做埋今日未完成嘅工作。佢話我聽長期無得休息，久而久之兩側頸肌肉已經硬到按摩都放鬆唔到，間中仲會出現偏頭痛。
肌肉骨骼檢查
檢查下找出佢嘅頸椎二三節鎖住咗，斜方肌、提肩胛肌都異常緊張，另外因為長時間使用電腦，圓肩情況頗為嚴重。幫佢用咗手法治療糾正頸椎胸椎，另外透過針灸去鬆解頸部肌肉，用熱敷幫佢增加整體血液循環，痛楚得以暫時舒緩。
反覆的情況
之後覆診都出現同樣的問題，就係治療效果往往維持時間唔長，過兩日成條頸就緊番晒。
同呢位媽媽了解咗佢訓教嘅姿勢同枕頭，比咗少少建議佢，朝早僵硬情況有稍為改善。
胃與周邊筋膜的調整
進一步檢查，發現佢左腹筋膜長時間處於緊張嘅狀態，懷疑同佢用電腦時的姿勢有關。用咗內臟筋膜手法，解開與胃相關位置的筋膜粘連。佢依家能夠話我知坐正姿勢輕鬆咗，唔需要咁用力都可以坐得比較直。
使用電腦姿勢
佢話條頸通常擰左邊較緊，原來同佢電腦有兩個mon有關，因為佢經常都要擰右去望另一個mon。俾佢嘅建議係將兩個mon都向左移，令到頸較多機會左右都可以活動到。
瞓教姿勢
佢係比較prefer側身瞓，一般枕頭對側睡嘅承托相對較弱，唔想換枕頭嘅佢，我建議將毛巾放枕頭下攝高，增加頸部的承托。
同小朋友玩留意嘅動作
好多時同小朋友玩難免要長時間踎低，令到寒背程度加深。比咗個建議佢，要適時切換踎、扒、坐、企的姿勢，平均每個姿勢不要超過十分鐘。
工作方面
建議保持工作與生活的平衡，設置明確的工作時間和個人時間，避免過度加班。環境調節，電腦螢幕的位置、坐椅的高度及軟墊、選擇具人體工學設計的鍵盤滑鼠等，減少工作對身體的負擔。
時間分配同休息
建議制定時間表以及優先事項，劃分清楚工作、家庭同埋休息時間，令生活相對有條理。同伴侶或屋企人協調分擔家庭責任，等每個人都可以有參與感同責任感。
Me Time 的重要性
一般做到嘅話，保留適量嘅自我時間，可以做自己喜歡嘅節目，好似閱讀、運動或者追劇咁，都會對身心恢復精力有幫助。
一般椎間盤突出的症狀可能會隨著時間緩解，但也有愈來愈痛的情況。如果你的椎間盤突出狀況持續6周以上，建議向專業人士尋求意見。
如果是有明顯頸椎錯位，正骨可以緩解肩頸疼痛，但不能根治椎間盤突出。大部分肩頸疼痛都伴隨著肌肉緊張，需透過針灸、手法治療等方法舒緩肌肉及軟組織腫脹，椎間盤突出才得以真正舒緩。
可以。兩者結合治療在實務上相當常見，可達到更全面療效。
薈元中醫及物理治療診所位於旺角，是一間致力揉合中西技術的診所，提供專業的中醫及物理治療服務，以自然方式找出身體治癒嘅最佳方案。如你有內科不適、痛症困擾，歡迎Whatsapp我們，查詢或預約參與治療。
